निवृत्ती बाबर -

मुंबई : काल सांताक्रूझ डेपोतील (Santa Cruz Depot) बेस्टचे कंत्राटी कर्मचाऱ्यांनी अचानक संप पुकारला होता त्याच पद्धतीने मुंबईतील जोगेश्वरी येथील मजास डेपो (Majas Depot), धारावी डेपो, प्रतीक्षा नगर डेपोतील कंत्राटी कर्मचाऱ्यांनी आज अचानक संप पुकारला आहे.

बोनस, पगारवाढ, तसेच बेस्टच्या कर्मचाऱ्यांना (BEST Employees) ज्या सुविधा मिळतात त्या आम्हाला का मिळत नाहीत अशा अनेक मागण्यासाठी बेस्टचे कंत्राटी कर्मचारी आंदोलन करत आहेत. आज सकाळपासून जोगेश्वरी येथील मजास बस आगारातील ३०० कंत्राटी कर्मचारी अचानक संपावर गेले असून या संपाचा परिणाम आता हळूहळू पश्चिम उपनगरात पाहायला मिळतं आहे.

काल देखील असाच संप सांताक्रुझ डेपोटील 700 कामगारांनी पुकारला होता. मात्र प्रशासनाने त्यांना 7500 हजार रुपये बोनस जाहीर केल्यामुळे त्या कामगारांनी संप मागे घेतला होता. मात्र, आता मजस आगारातील 300 कामगार आज सकाळपासूनच संपावर गेलेत. समान काम, समान वेतन पगार वाढ आणि बोनस या मागण्या घेऊन बेस्ट कर्मचारी अचानक संपावर गेल्यामुळे ऐन दिवाळीत मुंबईकर आणि चाकरमान्यांना अडचणींचा सामना करावा लागतोय.