मावळ: आशिया खंडातील सर्वात श्रीमंत महापालिका म्हणून एकेकाळी ओळखल्या जाणाऱ्या पिंपरी चिंचवड महापालिकेतील नागरिकांवर भीक मांगो आंदोलन करण्याची वेळ आली आहे. मावळ मधील देहूरोड हे 1997 साली पालिकेत समाविष्ठ झाले आहे, मात्र देहूरोडचा कोणताही विकास झाला नाही. त्यामुळे आज नागरिकांच्या वतीने भीक मांगो आंदोलन करण्यात आलं. (Pune: Begging agitation of citizens in Dehu Road, Maval)

हे देखील पहा -

आत्ता आपल्या गावचा विकास होईल, उद्या विकास होईल या आशेवर नागरिक जगत आहेत. मात्र पंचवीस वर्षाचा कालावधी होऊनही महिलांसाठी साधं स्वछतागृह यांना बांधता आले नाही. जेष्ठ नागरिकांना विरुंगळा केंद्र तर सोडाच, परंतु मुलांना खेळण्यासाठी साधं मैदान नाहीये. लोकप्रतिनिधी आले मात्र त्यांनी स्वतःचेच कल्याण करून घेतले. आजही येथील नागरिक या सर्व सुख-सुविधांनपासून वंचित राहिले आहेत.

दरम्यान आज नागरिकांच्या वतीने भीक मांगो आंदोलन करण्यात आलं. भिकेतून जमा झालेली रक्कम पालिकेच्या तिजोरीत जमा करून, देहूरोड परिसरात महिलांना स्वच्छता गृह, विरुंगळा केंद्र आणि खेळाचे मैदान उभारणार असल्याचं आंदोलक धर्मा तंतरपाळे यांनी महापालिकेला सांगितलं आहे.

Edited By - Akshay Baisane