Baba Siddique Latest News Saam TV
मुंबई/पुणे

Baba Siddiqui Case: बाबा सिद्दीकी यांच्या हत्येचा कट पुण्यात रचला, आणखी चौघांना पोलिसांनी घेतलं ताब्यात

Baba Siddiqui Death Case Update: बाबा सिद्दीकी यांच्या हत्येचा कट पुण्यातील कर्वेनगरमध्ये रचला गेला होता. शुभम लोणकरच्या संपर्कात असलेल्या चौघांना मुंबई पोलिसांनी बुधवारी चौकशीसाठी ताब्यात घेतले होते.

Priya More

सागर आव्हाड, पुणे

महाराष्ट्राचे माजी मंत्री बाबा सिद्दीकी हत्या प्रकरणात धक्कादाक माहिती समोर आली आहे. बाबा सिद्दिकी यांच्या हत्येचा कट पुण्यातील कर्वेनगर भागात रचण्यात आल्याचे तपासात उघडकीस आले आहे. या प्रकरणात लॉरेन्स बिश्नोई गँगशी संबंधित प्रवीण लोणकरला मुंबई पोलिसांनी अटक केली आहे.

प्रवीणचा भाऊ शुभम लोणकर हा अजूनही फरार आहे. पोलिस त्याचा शोध घेत आहेत. शुभमच्या संपर्कात असलेल्या चौघांना मुंबई पोलिसांनी बुधवारी चौकशीसाठी ताब्यात घेतले होते. रुपेश मोहोळ, करण साळवे, शिवम मोहोळ आणि रियान खान अशी चौकशीसाठी ताब्यात घेण्यात आलेल्यांची नावे आहे.

बाबा सिद्दीकी हत्या प्रकरणात पुण्यातून प्रवीण लोणकर, धर्मराज कश्यप, गुरुनील सिंग या तिघांना मुंबई पोलिसांच्या गुन्हे शाखेने अटक केली. प्रवीण लोणकर कर्वेनगर भागात डेअरी चालवायचा. प्रवीण आणि त्याचा भाऊ शुभम समाजमाध्यमातून बिश्नोई गँगच्या सराइतांच्या संपर्कात होते. महत्वाचे म्हणजे बाबा सिद्दिकी यांच्या हत्या प्रकरणातील आरोपींच्या संपर्कात प्रवीण आणि शुभम होते. बिश्नोई टोळीला पिस्तूल पुरविल्याप्रकरणी शुभमला अकोला पोलिसांनी अटक केली होती.

कर्वेनगर भागातून बुधवारी ताब्यात घेण्यात आलेले चौघे जण शुभमच्या संपर्कात होते. बिष्णोई टोळीने शहरातील एका सराफी पेढीच्या मालकाला जीवे मारण्याची धमकी देऊन १० कोटी रुपयांची खंडणी मागितली होती. तसंच, शंकरशेठ रस्त्यावरील एका सामाजिक कार्यकर्त्याला त्यांनी धमकावल्याचा प्रकार नुकताच समोर आला. पुणे पोलिसांकडून या प्रकरणाचा तपास सुरू आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Anant Chaturdashi 2025 live updates : लालबागच्या राजाची विसर्जन मिरवणूक सुरु

Huawei Mate XTs: तीन स्क्रीन फोल्डेबल Huawei Mate XTs लाँच, दमदार प्रोसेसर, प्रिमियम कॅमेरा आणि अनेक फिचर्स

Rent Or Buy Home: रेंटवर राहावं की EMI वर घर खरेदी करावे? हक्काचं घर खरेदी करण्याआधी गणित समजून घ्या

Chandra Grahan 2025 : शेवटच्या चंद्रग्रहणाच्या सुतक काळाची वेळ काय?

Maharashtra Live News Update: फडणवीस कुटुंबीयांकडून अनंत चतुर्दशीनिमित्त पूजा

SCROLL FOR NEXT