पुण्यातला रील स्टार अथर्व सुदामे पुन्हा एकदा वादग्रस्त रीलमुळे अडचणीत आलाय. नेमकं काय घडलंय पाहूयात...

रीलस्टार अथर्व सुदामेचा रील वादात सापडलाय. अथर्वनं पुणे महापालिकेच्या PMPML बसमध्ये रीलचं शूट केलं. विशेष म्हणजे या रीलमध्ये अथर्व कंडक्टरच्या वेशात एका प्रवासी जोडप्याशी प्रवाशांशी संवाद साधतोय...

या रीलमुळे प्रवासी महिलांच्या प्रतिष्ठेला बाधा पोहचल्याचा आरोप अर्थववर करण्यात आलाय. विशेष म्हणजे अथर्वनं बसमध्ये शुटिंग करण्यासाठी महापालिकेची परवानगीही घेतली नसल्यानं त्याला नोटीस पाठवण्यात आलीय.

सात दिवसांच्या आत लेखी खुलासा सादर करून समाजमाध्यमावरून हा रील हटवण्याचे निर्देश अथर्वला दिले आहेत. त्यामुळे अथर्ववर दुसऱ्यांदा रील हटवण्याची नामुष्की ओढवणार आहे.