वसई : वसईच्या (vasai) वटार गावात क्षुल्लक कारणावरून झालेल्या वादात राजसंह रिसॉर्टच्या चालकाने मुजोरी करत शेतकऱ्याला (farmer) माहरण केल्याची घटना घडली. राकेश यज्ञेश्वर नाईक असे जखमी झालेल्या शेतक-याचे नाव असून त्यांचा वटार रानपट्टी परिसरात फुल उत्पादनाचा व्यवसाय आहे. (vasai latest marathi news)

राकेशे हे नेहमीप्रणाणे त्यांच्या शेतातून घरी परतत असताना त्यांना रिसॉर्ट मधील काही मंडळी भर रस्त्यात दारू पिऊन धिंगाणा करीत असल्याचे दिसले. राकेश यांनी सुरु असलेल्या प्रकारचे मोबाईलमध्ये चित्रीकरण करायला सुरवात केली. हा प्रकार रिसॉर्टच्या एका कर्मचाऱ्याने रिसॉर्ट मालकाला सांगितला.

यावेळी रिसॉर्टचे दयानंद मेहेर व साहिल मेहेर यांच्या सोबत १० ते १२ जण तेथे गेले. यावेळी साहिल मेहेर याने राकेश यांना मारहाण करून जखमी केले आहे. या मारहाणीत राकेश यांच्या डोळ्याला गंभीर दुखापत झाली आहे. अर्नाळा (arnala) सागरी पोलीस ठाण्यात या मारहाणीबाबत तक्रार केल्यानंतर रिसॉर्ट चालक साहिल मेहेर याच्या विरोधात गुन्हा दाखल करण्यात आला आहे..

Edited By : Siddharth Latkar