बीडच्या मस्साजोगचे सरपंच संतोष देशमुख हत्याप्रकरणात धनंजय मुंडे यांचं नाव समोर आल्यानं त्यांच्या राजीनाम्याची मागणी जोर धरतेय. सामाजिक कार्यकर्त्या अंजली दमानिया यांनीही या प्रकरणी अधिक लक्ष घातलंय. दमानियांनी थेट पुरावे सादर करत मुंडेंच्या राजीनाम्यासाठी पिच्छा पुरवलाय. त्यामुळे धनंजय मुंडे अधिक संकटात सापडण्याची शक्यताय. याबाबत अंजली दमानियांनी काय ट्विट केलंय पाहूया.

'हे Office of Profit आहे. लाभार्थी. धनंजय मुंडे यांचा ताबडतोब राजीनामा घेण्यात यावा. वेंकटरश्वर इंडस्ट्रियल सरव्हिसेस नावाच्या कंपनीचे मेजोरिटी शेयरहोल्डर धनंजय मुंडे आणि राजश्री धनंजय मुंडे आहेत. यात आधी वाल्मिक कराड डायरेक्टर होते. आजही ते शेयरहोल्डर असून ही कंपनी fly ash विकते? Mahagenco ही कंपनी महाराष्ट्र राज्य विद्युत मंडळाची wholly owned subsidiary आहे. असे असताना एक मंत्री त्या कंपनीतून आर्थिक लाभ कसा मिळवू शकतो? सोबत कंपनीचे Annexures जोडत आहे. यावर धनंजय मुंडे आणि राजश्री मुंडे यांची सही देखील आहे, असे सामाजिक कार्यकर्त्या अंजली दमानिया यांनी ट्विट करत म्हटलं आहे.

'असं असताना एक मंत्री त्या कंपनीतून आर्थिक लाभ कसा मिळवू शकतो? असा प्रश्न अंजली दमानिया यांनी उपस्थित केलाय. धनंजय मुंडे यांच्या पायाखालची वाळू सरकली आहे. धनंजय मुंडे यांचा गेम ओव्हर झालाय. असा घणाघातही दमानिया यांनी केला. त्यामुळे येत्या काळात धनंजय मुंडे यांचा पाय आणखी खोलात जाणार असल्याचं दिसतंय.