पुण्यात गेल्या काही दिवसांपासून वाहन तोडफोडीच्या घटनांमध्ये सातत्याने वाढ होताना दिसते. मंगळवारी सकाळी सुद्धा शहरातील धनकवडी परिसरात तरुणांनी धारदार शस्त्राने वाहनांची तोडफोड करत अनेक दुचाकी आणि चार चाकी वाहनांचे मोठं नुकसान केलं. धनकवडी भागात एका टोळक्याने रिक्षा, स्कूलबस, टेम्पो अशा तब्बल २५ वाहनांची तोडफोड केली. या घटनेने संपूर्ण शहरात एकच खळबळ मागणी आणि परिसरातील नागरिकांनी संताप व्यक्त केला.

या घटनेची तात्काळ दखल घेत पोलिसांनी आरोपींचा शोध घ्यायला सुरुवात केली आणि आज याच प्रकरणातील पाच जणांना अटक केली. वाहनांची तोडफोड करणाऱ्या पाच जणांपैकी तीन जण हे अल्पवयीन आहेत. रोहित कैलास आढाव (वय २३) आणि सुधीर बापू सावंत (वय १९) अशी अटक केलेल्यांची नावे आहेत. हे दोघेही किरकीटवाडी परिसरातील रहिवासी आहेत.

मिळालेल्या माहितीनुसार, मंगळवारी रात्री बारा वाजता आरोपी असलेले पाच जण धनकवडी परिसरात त्यांच्या मित्राचा वाढदिवस साजरा करण्यासाठी आले होते. वाढदिवस साजरा करण्यासाठी आलेल्या मित्रांचा मात्र निराशा झाली कारण ज्याच्यासाठी आले तो स्वतः त्या ठिकाणी उपस्थित नव्हता. या गोष्टीचा राग मनात धरून या तरुणांनी परिसरातील वाहनांवर याचा राग काढायला सुरुवात केली. दारूच्या नशेत असलेले सर्व तरुणांनी जवळ आणलेल्या हत्यारांनी धनकवडी भागातील दुचाकी रिक्षा आणि चार चाकी यांच्या वर तोडफोड करायला सुरुवात केली ज्यामध्ये वाहनांचा मोठं नुकसान झालं. ही सर्व घटना सीसीटीव्ही मध्ये कैद झाली. पुणे पोलिसांनी तात्काळ या घटनेचा गांभीर्य घेत या तरुणांना पकडण्यासाठी पदके रवाना केली आणि आज या पाच जणांना ताब्यात घेतलं.