Ambernath News : अंबरनाथमध्ये एक मोठी दुर्घटना घडली आहे. एका केमिकल कंपनीला भीषण आग लागल्याची घटना समोर आली आहे. बुवापाडा भंगार गल्लीतील कंपनीला ही लागली आग आहे. आग इतकी भीषण आहे की धूराचे लोट हवेत दूरवर पसरले आहेत. अग्निशमन दलाच्या तीन ते चार गाड्या घटनास्थळी दाखल झाल्या आहेत.आगीवर नियंत्रण मिळवण्याचे प्रयत्न सुरू आहेत.

आग नेमकी कोणत्या कारणाने लागली हे अद्याप स्पष्ट झाले नाही. सुदैवाने या घटनेत कोणतीही जीवितहानी झाली नाही. मात्र कंपनीतील सर्व वस्तू यामध्ये जळून खाक झाल्या आहेत.

शहरात आगीच्या घटना सातत्याने वाढत आहेत. काल गोरेगाव फिल्मसीटीला भीषण आग लागल्याची घटना घडली होती. फिल्म सिटीमधील टीव्ही मालिकेच्या सेटवर ही आग लागल्याची माहिती आहे. गोरेगाव पुर्वेकडील एकूण चार स्टुडिओ आगीत पूर्णपणे जळून खाक झाले होते. संध्याकाळी ४ वाजण्याच्या दरम्यान ही आग लागली होती.