अजय दुधाणे, साम प्रतिनिधी

अंबरनाथ पूर्व–पश्चिम जोडणाऱ्या उड्डाणपुलावर आज पहाटे भीषण अपघात झाला. वेगावर नियंत्रण सुटलेल्या कारने तीन मोटरसायकलस्वारांना जबर धडक देत चिरडले. या दुर्घटनेत चार जणांचा मृत्यू झाला असून तीन जण गंभीर जखमी झाले आहेत. संपूर्ण अपघाताचा थरारक सीसीटीव्ही व्हिडिओ समोर आला आहे.

अपघातात कारचा ताबा चालकाकडून सुटल्याने वाहनाने उड्डाणपुलावर अनियंत्रितपणे अनेकांना धडक दिली. मृतांमध्ये शैलेश जाधव, चंद्रकांत अनारके, सुमित चैलानी यांचा समावेश असून, कारचा काढता ड्रायव्हर लक्ष्मण शिंदे यांचाही जागीच मृत्यू झाला आहे.

जखमींमध्ये अभिषेक चव्हाण, अमित चव्हाण यांच्यावर मध्यवर्ती रुग्णालयात उपचार सुरू आहेत. शिवसेना (शिंदे गट) उमेदवार किरण चौबे या देखील या कारमध्ये होत्या आणि त्या गंभीर जखमी असून त्यांच्यावर खाजगी रुग्णालयात उपचार सुरू आहेत.

जखमींमध्ये अभिषेक चव्हाण, अमित चव्हाण यांच्यावर मध्यवर्ती रुग्णालयात उपचार सुरू आहेत. शिवसेना (शिंदे गट) उमेदवार किरण चौबे या देखील या कारमध्ये होत्या आणि त्या गंभीर जखमी असून त्यांच्यावर खाजगी रुग्णालयात उपचार सुरू आहेत. या भीषण अपघातामुळे अंबरनाथमध्ये हळहळ व्यक्त होत असून पोलिसांनी घटनास्थळी तपास सुरू केला आहे. संपूर्ण प्रकरणाचा तपास सीसीटीव्ही फुटेजच्या आधारे गतीमान करण्यात येत आहे.

या भीषण अपघाताचा अंगावर काटा आणणारा व्हिडिओ व्हायरल झालाय. नेहमीप्रमाणे उड्डाणपुलावरून वाहनांची ये-जा होत होती. सीसीटीव्ही कॅमेऱ्याने टिपलेल्या दृश्यानुसार शुक्रवारी १८.४२ मिनिटांनी हा अपघात झाला. एक भरधाव कारनं आपल्या समोरील दुचाकींनी उडवलं. या धडकेत एका दुचाकीवरील एक व्यक्ती हवेत उडत जाऊन थेट पुलाखाली जाऊन पडला. मिळालेल्या माहितीनुसार कार चालकाचे स्टेअरिंगवरील ताबा सुटल्यानं हा अपघात घडल्याचं सागंतिलं जात आहे. या दुर्घटनेत ४ जणांचा मृत्यू झालाय. तर अपघातग्रस्त कार ही शिवसेना पक्षाच्या उमेदवाराची असल्याचं सांगितलं जात आहे.