अजय दुधाणे

Ambernath BJP ex-corporator office vandalism news : अंबरनाथमध्ये भाजपाच्या माजी नगरसेवकाचं ऑफिस फोडल्याची घटना घडली. अज्ञांनी मध्यरात्री हल्ला केल्याची माहिती मिळत आहे. हातात तलवारी घेतलेल्या अज्ञात हल्लेखोरांकडून तोडफोड करण्यात आली आहे. १० ते १२ जणांच्या अज्ञात टोळक्यांनी कार्यालयात धुडगूस घातला. ऑफिसमधील कर्मचाऱ्यावरही तलवारीने हल्ला केल्याची घटना घडली. हल्ल्याची संपूर्ण घटना सीसीटीव्हीत झाली कैद झाली.

अंबरनाथमधील भाजपाचे माजी नगरसेवक रोहित राजू महाडिक यांच्या ऑफिसवर अज्ञात हल्लेखोरांनी शनिवारी रात्री हातात तलवारी घेऊन हल्ला केला. यामध्ये ऑफिसचं मोठं नुकसान झालं असून ऑफिसमध्ये काम करणाऱ्या एका कर्मचाऱ्यावर देखील तलवारीने हल्ला करण्यात आला आहे.

अंबरनाथमधील भाजपाचे माजी नगरसेवक रोहित राजू महाडिक यांचं अंबरनाथ पूर्वेच्या बी केबिन रोडवरील स्वानंद शॉपिंग कॉम्प्लेक्स शेजारी कार्यालय आहे. या कार्यालयात शनिवारी रात्री पावणे अकरा वाजताच्या सुमारास अचानक तोंडाला रुमाल बांधलेले आणि हातात तलवारी घेतलेले १० ते १२ हल्लेखोर आले. त्यांनी ऑफिसच्या काचा तलवारीने फोडत ऑफिसमध्ये घुसून ऑफिसमध्ये काम करणाऱ्या तरुणावर देखील तलवारीने हल्ला चढवला.

तसंच ऑफिसमधील खुर्च्यांचीही तलवारीने वार करत नासधूस केली. ही संपूर्ण घटना सीसीटीव्ही कॅमेरात कैद झाली. अवघ्या २३ सेकंदात हल्ला चढवून हे हल्लेखोर तिथून पसार झाले. याप्रकरणी शिवाजीनगर पोलीस ठाण्यात रात्री उशिरा गुन्हा दाखल करण्यात आला असून पोलीस सध्या हल्लेखोरांचा शोध घेत आहेत.