रुपाली बडवे

NCP News :

राष्ट्रवादी पक्षातील फुटीनंतर  शरद पवार  गट आणि अजित पवार गट वेगळे झाले आहेत. पक्षासोबतच सोशल मीडिया प्लॅटफॉर्मही विभागले गेले आहेत. मात्र आता अजित पवार गटाचं एक्स म्हणजे जुनं ट्विटर अकाऊंट सस्पेंड झालं आहे. ट्विटरने ही कारवाई केली आहे.

अजित पवार गटाचं एक्स अकाऊंट मागील दोन दिवसांपासून सस्पेंड करण्यात आलं आहे. शरद पवार गटाकडून करण्यात आलेल्या तक्रारीनंतर ट्विटरकडून कारवाई ही कारवाई करण्यात आली आहे. (Latest Marathi News)

NCP speaks1 नावाने अजित पवार गटाचे ट्विटर हॅण्डल आहे. याबाबत अजित पवार गटाने माहिती देताना म्हटलं की, आपलं म्हणणं ट्विटरला कळवलं असून हे ट्विटर हॅण्डल आज सुरू होईल.

नियम उल्लंघन झाल्याप्रकरणी ही कारवाई झाल्याने एक्स अकाऊंट सस्पेंड करण्यात आल्याची माहिती आहे. तसा मेसेज देखील अजित पवार गटाच्या ट्विटर अकाऊंटवर दिसत आहे. मात्र नेमकं कारण समोर आलेलं नाही.