Ajit Pawar Apologies : एखाद्यावेळी आपलं चुकलं तर ती चूक मान्य करुन पुढे जायचं असतं. त्यात काही कुणाचं बिघडत नाही असे सांगून विराेधी पक्ष नेते अजित पवार यांनी फुले यांचा हाेळकर उल्लेख एका कार्यक्रमात केल्याने काल तिथेच दिलगिरी (Ajit Pawar Apology) व्यक्त केल्याचे नमूद केले. विराेधी पक्ष नेते अजित पवार हे आज बारामतीत आले हाेते. नियाेजित कार्यक्रमानंतर त्यांनी माध्यमांशी संवाद साधला.

एका कार्यक्रमात सावित्रीबाई फुले यांचा उल्लेख सावित्रीबाई हाेळकर असा अजित पवार यांच्याकडून झाला. त्याबाबत माध्यमांनी छेडले असता ते म्हणाले बोलण्याच्या ओघात माणसाकडून चूक होत असते. मात्र मिडियाकडून त्याचा गवगवा केला जातो. काल सावित्रीबाईंबद्दल बोलताना चूक झाली, सावित्रीबाई होळकर असे चूकन बोललो होतो. असा काय गुन्हा केला होता. असं काय आकाश पातळ एक झालं अशी टिप्पणी दादांनी केली.

मी अनेक महत्वाच्या पदांवर काम केलंय. माझ्याकडून असं व्हायला नको हाेते. पण बोलण्याच्या ओघात सावित्रीबाई होळकर असं बोललो. त्याबद्दल लगेच दिलगीरीही व्यक्त केली. आपली परंपरा आहे चूक झाली तर दिलगिरी व्यक्त करुन पुढे जायचं असतं. त्यात काही कुणाचं बिघडत नाही असेही पवारांनी स्पष्ट केले.

दरम्यान आज अचानक तुमच्या सुरक्षतेत पाेलिसांनी वाढ केली आहे. नेमके कारण काय असे विचारताच दादा म्हणाले मला त्याबद्दल काही माहिती नाही, तुम्हीच पोलिसांना विचारा. त्यांना असं वाटलं असेल तू काहीतरी माझ्यावर हल्ला करणार आहे, म्हणून वाढ केली असावी असेही मिश्किलपणे पवार (ajit pawar) यांनी माध्यम प्रतिनिधींना उत्तर दिले.

Edited By : Siddharth Latkar