बारामती : बारामती (Baramati) जेजुरी (Jejuri) रस्त्यावर दारूच्या (Liquor) बाटल्या घेऊन जाणाऱ्या टेम्पोंचा अपघात झाल्यानंतर बाटल्या गोळा करण्यासाठी नागरिकांची एकच झुंबड उडाली. आज (शुक्रवार) सकाळी कडेपठार नजीक हा अपघात (accident) झाला. (baramati latest marathi news)

या घटनेबाबतची अधिक माहिती अशी : आज सकाळपासून बारामती जेजुरी रस्त्यावर पाऊस पडत हाेता. याच मार्गावरील मावडी कडेपठार जवळ दारूच्या बाटल्या घेऊन जाणारा टेम्पो घसरून पलटी झाला. या टेम्पो मधील असलेल्या सर्व बाटल्या आणि बाॅक्स रस्त्यावर पडले.

या अपघाताची माहिती परिसरात समजताच नागरिकांनी घटनास्थळी धाव घेतली. त्यानंतर दारूच्या बाटल्या उचलण्यासाठी एकच झुंबड उडाली. या ठिकाणी नुकतेच रस्त्याचे काम झाले आहे. काही अंतर डांबर प्रमाणापेक्षा जास्त टाकल्याने या ठिकाणी अपघात होत आहेत असे ग्रामस्थांनी सांगितले. काही दिवसापूर्वीच शिवशाही बसचा देखील अपघात झाला हाेता. ही बस घसरून रस्त्याच्या खाली गेली होती.

Edited By : Siddharth Latkar