मावळ : मावळातील रुग्णांसाठी अत्याधुनिक तंत्रज्ञानाने विकसित वैद्यकीय क्षेत्रातील सेवा पुरविणारे आधार मेड आयकॉनिक डायग्नोस्टिक सेंटरचे उद्घाटन पिंपरी चिंचवड पोलीस आयुक्त कृष्ण प्रकाश यांच्या हस्ते झाले. नव्याने झालेल्या या डायग्नोस्टिक सेंटरचा फायदा मावळ मधील लोणावळा, कामशेत, मळवली, वडगांव मावळ, तळेगांव दाभाडे आणि देहूरोड येथील रुग्णांना मिळणार आहे.

हे देखील पहा :

यापूर्वी गंभीर आजाराने ग्रस्त रुग्णांना पुणे किंवा पिंपरी चिंचवड ला जावे लागायचे. आधार हॉस्पिटलच्या माध्यमातून या सेंटर चे उदघाटन झाल्याने खऱ्या अर्थाने रुगांच्या नातेवाईकांना ही मोठा आधार मिळाला आहे.

दरम्यान, हॉस्पिटल चालवताना रुग्णालयाने रूग्णांची खरी मनोभावे सेवा करावी, डॉक्टर ला देवाचा दर्जा असतो. मात्र, या मंडळींनी रुग्णांची कोणतीही लूट न करता प्रामाणिकपणे आपला व्यवसाय करावा, असे मत पोलीस आयुक्त कृष्ण प्रकाश यांनी डॉक्टरांचे कान टोचत केले व्यक्त केले.

Edited By : Krushnarav Sathe