मुंबई: कुख्यात गुंड सुरेश पुजारी याला फिलिपिन्स (Philippines) येथे अटक केल्यानंतर दिल्ली पोलिसांनी त्याला एटीएसच्या (ATS) ताब्यात दिले होते. त्यानंतर एटीएसने त्याला ठाणे (Thane) न्यायालयात हजर केले. न्यायालयाने सुनावणीदरम्यान कुख्यात गुंड सुरेश पुजारी (Gangster Suresh Pujari) याला 10 दिवसांची पोलिस कोठडी सुनावली होती. पुजारीच्या अटकेनंतर आता अनेक तक्रारदार समोर येत आहे. पुजारीवर वाकोला पोलिस ठाण्यात नवा गुन्हा (Crime) दाखल करण्यात आला आहे. (After the arrest of notorious gangster Suresh Pujari, many complainants came forward; A new case has been registered at Wakola police station)

हे देखील पहा -

पुजारीने एका कंपनीच्या संचालकाला २२ मार्च २०२१ मध्ये दुपारच्या सुमारास परदेशतून धमकी (Threat) दिली होती. पुजारीने याच दरम्यान संचालकाला तीन ते चार खंडणीचे फोन केले होते. पैसे न दिल्यास जीवे मारण्याची धमकी पुजारीने या संचालकाला दिली होती. मात्र पुजारी विरूद्ध तक्रार दिल्यास जीवाचे बरे-वाईट होईल या भितीने त्याने आतापर्यंत पोलिसांची मदत घेतली नाही. मात्र पुजारीच्या अटकेची बातमी टिव्हीवर पाहिल्यानंतर तक्रारदाराने सोमवारी वाकोला पोलिस ठाण्यात येऊन गुन्हा नोंदवला. या प्रकरणी पोलिस अधिक तपास करत असून गुन्ह्याचे गांभीर्य लक्षात घेता हा गुन्हा मुंबईच्या खंडणी विरोधी पथकाकडे वर्ग केला जाऊ शकतो.

Edited By - Akshay Baisane