अक्षय बडवे, साम टीव्ही
विद्येचं माहेरघर म्हणून ओळखल्या जाणाऱ्या पुणे शहरातून एक धक्कादायक घटना समोर आली आहे. सोशल मीडियावरुन झालेल्या ओळखीतून एका डॉक्टरने महाविद्यालयीन तरुणीला क्लिनिकमध्ये बोलावलं. त्यानंतर दारु पाजून तिच्यावर अत्याचार केला. याप्रकरणी पीडित तरुणीच्या फिर्यादीवरून पोलिसांनी नराधम डॉक्टराविरोधात गुन्हा दाखल केला आहे. (Latest Marathi News)
डॉ. शुभंकर महापुरे (वय २६ वर्ष) असे गुन्हा दाखल झालेल्या डॉक्टराचं नाव आहे. पोलिसांनी (Police) दिलेल्या माहितीनुसार, २० वर्षीय पीडित तरुणी शिक्षणासाठी पुण्यात आली होती. सोशल मीडियावरुन तिची डॉ. शुभंकर याच्यासोबत ओळख झाली होती.
आरोपीने पीडितेला वारंवार मॅसेज करुन तिच्यासोबत ओळख वाढवली. त्यानंतर पीडितेचा विश्वास संपादन करत तिला २४ सप्टेंबर रोजी आपल्या क्लिनिकमध्ये बोलावून घेतलं. तिथे आरोपीने तिला जबदस्तीने (Crime News) दारु पाजली. रात्रीच्या जेवणानंतर पीडितेला गुंगी आली.
याच संधीचा फायदा घेत आरोपीने २० वर्षीय पीडितेवर बलात्कार केला. हा प्रकार लक्षात आल्यावर तरुणीने पोलिस ठाणे गाठले. याप्रकरणी पीडित तरुणीच्या फिर्यादीनुसार, विश्रामबाग पोलिसांनी आरोपी डॉक्टरविरुद्ध गुन्हा दाखल केला आहे. घटनेचा अधिकचा तपास पोलीस करीत आहेत.
Edited by - Satish Daud
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.