- फय्याज शेख

Bhiwandi News : भिवंडी शहरात खाऊ घेण्यासाठी घराबाहेर पडलेल्या आठ वर्षीय चिमुरडीला धमकावून खोलीत घेत तिच्यावर अतिप्रसंग करण्याचा प्रयत्न करणाऱ्या मद्यधुंद युवकास परिसरातील नागरिकांनी पकडले. त्यास चांगला चोप देत भिवंडी शहर पोलिसांच्या ताब्यात देण्यात आले. (Maharashtra News)

पोलिसांच्या सूत्रांनी दिलेल्या माहितीनुसार शहरातील एका परिसरात राहणारी आठ वर्षांची चिमुरडी दुपारी तीन वाजता शाळेतून घरी परतली. त्यानंतर ती शाळेच्या गणवेशावरच एका दुकानात खाऊ घेण्यासाठी गेली होती.

परतल्यानंतर इमारतीच्या पहिल्या मजल्यावर राहणा-या युवकाने चिमुरडीस तिचे तोंड दाबून आपल्या खोलीत खेचत नेले. अचानक झालेल्या प्रकाराने भयभीत झालेल्या चिमुरडीने तेथून संशयिताच्या तावडीतून सुटकेचा प्रयत्न केला. त्यात दाेघांची झटापट झाली. संशयिताने तिला मारहाण करण्यास प्रारंभ केला.

चिमूरडीस मारहाण होत असताना तिने संशयिताच्या हाताचा चावा घेतला व झटका देत खोलीतून बाहेर आरडाओरड करीत पळ काढला. त्यामुळे परिसरातील नागरिक गाेळा झाले. त्यांनी नराधमाची गचांडी पकडुन रस्त्यावर आणत त्यास चोप दिला.

काही नागरिकांनी पाेलिसांना बाेलावले. संशयितास स्थानिक भिवंडी शहर पोलिसांच्या ताब्यात देण्यात आले आहे. पोलिसांनी संशयिताच्या विरोधात विनयभंग व पोस्को अंतर्गत गुन्हा दाखल केला.

संशयितास न्यायालयाने पोलिस कोठडी सुनावली. पाेलिसांनी दिलेल्या माहितीनूसार संशयितावर यापूर्वी दोन गुन्हे दाखल आहेत. त्यापैकी एक गुन्हा पोस्को अंतर्गत दाखल असून त्यामध्ये मागील तीन वर्षे ताे कारागृहात हाेता. काही दिवसांत ताे जामिनावर बाहेर आला होता. त्यानंतर पुन्हा त्याने आपले रंग उधळले असल्याचे बोलले जात आहे.

Edited By : Siddharth Latkar