हिंगाेली : वाह रे माेदी तेरा खेल, सस्ती दारु महंगा तेल अशा घाेषणांनी आज (रविवार) युवा सेनेने हिंगाेली शहर दणाणून साेडले. युवासेनेचे प्रमुख आदित्य ठाकरे यांच्या नेतृत्वाखाली आज राज्यभर युवा सेनेच्या कार्यकर्ते पेट्रोल-डिझेल यासह गॅस दरवाढीविरोधात तीव्र निदर्शने करत आंदोलन करीत आहेत. yuva sena protest petrol diesel price hike narendra modi shivsena hingoli news

हिंगोलीत शेकडो युवा सैनिक व शिवसैनिक या आंदोलना दरम्यान सायकल घेऊन सहभागी झाले होते. यावेळी केंद्र सरकारच्या विरोधात जोरदार घोषणाबाजी करत महागाई विरोधात एल्गार पुकारण्यात आला. येणाऱ्या काळात केंद्र सरकारने वाढती महागाई कमी न केल्यास केंद्र सरकारच्या मंत्र्यांना रस्त्यावरती फिरू न देण्याचा इशारा युवा सैनिकांनी दिला आहे

शिवसेनेच्या युवा सैनिकांच्या आंदोलनामुळे शहरात काही काळ वाहतूक रोखण्यात आली होती. कोणताही कायदा व सुव्यवस्थेचा प्रश्‍न निर्माण होऊ नये यासाठी पोलिसांचा मोठा बंदोबस्त देखील तैनात करण्यात आला होता.

edited by : siddharth latkar