- रणजीत माजगावकर

Kolhapur Accident News : कोल्हापूर शहरातील महावीर महाविद्यालय परिसरात बुधवारी कारमुळे झालेल्या अपघातात एका युवकाचा जागीच मृत्यू झाला तर एक जण गंभीर जखमी झालेला आहे. या अपघाताची कसून तपास पाेलीस करीत आहेत. (Maharashtra News)

घटनास्थळावरुन आणि (kolhapur) पाेलीसांकडून मिळालेल्या प्राथमिक माहितीनूसार हा अपघात रात्री साडे दहाच्या सुमारास घडला. कसबा बावडा मार्गावरून एक कार भरधाव वेगाने कोल्हापूरच्या दिशेने येत होती.

या कारच्या चालकाने भरधाव वेगाने महावीर महाविद्यालय मार्गावर कार घातली. त्याचवेळी समोरून येणाऱ्या दोन कारला जोरदार धडक दिली. तसेच त्याच परिसरातील इतर तीन दुचाकी वाहनांना देखील जोरदार धडक बसली.

या धडकेत एका युवकाचा जागीच मृत्यू झाला. अपघातग्रस्त वाहन हे जीसएटी विभागातील अधिकाऱ्यांचे असल्याचे समजते. अपघातग्रस्त वाहन चालवणारा ड्रायव्हर गंभीर जखमी झाला. हा अपघात होताच स्थानिक नागरिकांनी अपघातातील जखमींना छत्रपती प्रमिला राजे रुग्णालयात उपचारांसाठी दाखल केले.

दरम्यान अपघातग्रस्त (accident) वाहन चालवणा-या ड्रायव्हरने मद्य प्राशन केले होते का ? या अपघाताचे नेमकं कारण काय ? याचा तपास स्थानिक पोलीस करत आहेत.

Edited By : Siddharth Latkar