लातूर : पोलीस भरतीची तयारी करणाऱ्या तरुणाचा भरधाव वाहनाच्या धडकेत मृत्यू झाला आहे. लातूरमधील औसा राष्ट्रीय महामार्गावर बुधोडा गावाजवळील आलमला मोड येथे ही घटना घडली आहे. सूरज अशोक कांबळे अस मयत तरुणाचे नाव आहे. आणखी एकजण जखमी झाला आहे.
मिळालेल्या माहितीनुसार, सूरज रोज सकाळी पोलीस भरतीसाठी सराव करत असेल. नेहमीप्रमाणे आजही तो घराबाहेर पडला पण घरी परतलाच नाही. सकाळी पाच वाजण्याच्या सुमारास सूरजला भरघाव वेगाने जाणाऱ्या अज्ञात वाहनाने चिरडले. यात त्याचा जागीच मृत्यू झाला आहे. (Latest Marathi News)
लहानपणापासून सूरजला पोलिस खात्याचे आकर्षण असल्याने तो पोलिस भरतीसाठी दररोज धावणे आणि अन्य शारीरिक कसरती करण्यासाठी पहाटे चार वाजल्यापासून मेहनत करत असे. आज दररोजच्या प्रमाणे व्यायाम करण्यासाठी आलमला मोड येथे गेला होता.
दरम्यान औसाकडून लातुरकडे जाणाऱ्या चारचाकी वाहनाने भरघाव धडक दिली असता सूरज याचा जागीच मृत्यू झाला. तर त्याच्यासोबत असलेला एक मित्र जखमी झाला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.