संजय राठोड 

यवतमाळ : यवतमाळ जिल्ह्यातील दारव्हा पालिकेसाठी पाणी पुरवठा योजना मंजूर आहे. परंतु हि योजना अपूर्ण असल्याने शिवसेना ठाकरे गट आक्रमक झाल्याचे पाहण्यास मिळाले. ठाकरे गटाच्या वतीने भीक मांगो आंदोलन करत तसेच आब्दोलनातून जमा झालेला निधी दारव्हा पालिका सीईओच्या खुर्चीवर ठेवण्यात आला. 

यवतमाळच्या (Yavatmal) दारव्हा पालिकेसाठी मंजूर असलेली ५० कोटी ३२ लाख रूपयांची पाणी पुरवठ्याचे काम त्वरीत व्हावे; यासाठी शिवसेना ठाकरे गटाचे भीक मांगो आंदोलन करण्यात आले. शहर व पालिका परिसरात आंदोलन करत निधी संकलित करण्यात आला. संचलित केलेला निधी देण्यासाठी पालिकेत गेलेल्या ठाकरे गटाच्या पदाधिकाऱ्यामुळे मुख्याधिकारी गायब झाल्याने मुख्याधिकाऱ्यांच्या कॅबिनमध्ये सर्व कार्यकर्त्यांनी ठिय्या आंदोलन सुरु केले. 

अधिकाऱ्यांसोबत बाचाबाची 

शिवसेनेच्या (Shiv Sena) कार्यकर्त्यांची पाणी पुरवठा अभियंता सोबत पोलीस अधिकाऱ्यांसमोरच शब्दाधिक बाचाबाची झाली. जो पर्यत मुख्याधिकारी संकलित केलेला निधी स्वीकारणार नाही, तोपर्यंत ठिय्या आंदोलन मागे घेणार नसल्याचा पदाधिकाऱ्यांचा पवित्रा होता. तर दिड तासापासून कॅबिनमध्ये ठिय्या आंदोलन सुरूच होते. दरम्यान पोलीस अधिकारी घटनास्थळी दाखल झाल्यानंतर तीन हजार सहाशे रुपये संकलित केलेला निधी मुख्याधिकाऱ्या खुर्चीवर ठेवला.