- संजय राठोड

Yavatmal Crime News : चलनात वापरण्यात येणाऱ्या पाचशे रुपयाच्या बनावट नोटा घेऊन येणाऱ्या तिघांच्या मुस्क्या आवळण्यात यवतमाळ स्थानिक गुन्हे शाखा पथकाला (yavatmal local crime branch) यश आले आहे. या प्रकरणी पाेलिसांचा कसून तपास सुरु आहे. (Maharashtra News)

एलसीबीने तिघांकडून पाचशे रुपयांच्या 964 बनावट नाेटा असे एकूण किंमत 4 लाख 82 हजार रुपयांचा मुद्देमाल ताब्यात घेतला आहे. स्थानिक गुन्हे शाखा पथकाने (lcb) यवतमाळच्या पुसद वाशिम रोडवरील मारवाडी फाटा येथे सापळा रचून ही कारवाई करण्यात आली.

विशाल पवार, विनोद राठोड, बालू कांबळे असे या बनावट नोटा सप्लाय करणाऱ्या संशयित आरोपींची नावे आहेत. या तिघांना पोलिसांनी गजाआड करून त्यांच्याकडून वाहन जप्त करण्यात आले आहे. तसेच या तिघांची कसून चाैकशी करण्याचे आदेश एसपींनी दिले आहेत.

ही कारवाई जिल्हा पोलीस अधीक्षक डॉक्टर पवन बनसोड, अप्पर पोलीस अधीक्षक जगताप, उपविभागीय पोलीस अधिकारी पंकज अतुलकर, स्थानिक गुन्हे शाखा पथकाचे पोलीस निरीक्षक प्रदीप परदेशी यांच्या मार्गदर्शनात अमोल सांगळे , सागर भारस्कर, सुभाष जाधव, कुणाल मुंडकार, सोयल मिर्झा, मोहम्मद ताज, सुनील पंडागळे, दिगंबर गीते यांनी ही कारवाई केली.

Edited By : Siddharth Latkar