यवतमाळ - वसंतराव नाईक शासकीय वैद्यकीय महाविद्यालयात एक धक्कादायक घटना घडल्याची माहिती समोर आली आहे. एका शिकाऊ विद्यार्थी डॉक्टरची हत्या करण्यात आली आहे. या डॉक्टरचे नाव अशोक पाल असे आहे. मध्यरात्रीच्या सुमारास वैद्यकीय महाविद्यालयाच्या परिसरात ही हत्या करण्यात आली आहे. हत्येचे नेमके कारण अद्याप अस्पष्ट आहे.

हे देखील पहा -

डॉ. अशोक पाल मागील काही दिवसांपासून यवतमाळ येथील वसंतराव नाईक शासकीय वैद्यकीय महाविद्यालयात शिकाऊ डॉक्टर म्हणून काम करत होते. ही हत्या अज्ञात व्यक्तीने केली असून शिकाऊ डॉक्टरचा मृतदेह महाविद्यालयाच्या परिसरात आढळून आला आहे. घटनेची माहिती मिळताच पोलीस घटनास्थळी दाखल झाले होते. या घटनेप्रकरणी पोलिसांनी पंचनामा केला असून पुढील तपास सुरु केला आहे.

दरम्यान, हत्या प्रकरणानंतर रुग्णालय परिसरात परिविक्षाधीन डाॅक्टराकडून महाविद्यालय प्रशासन व डीनविरोधात घोषणाबाजी करत आंदोलन करण्यात आले. रुग्णालयामध्ये परिविक्षाधीन डॉक्टरांनी ठिय्या मांडला. तसेच डॉक्टरांच्या सुरक्षेवर प्रश्न विचारला जात आहे.

Edited By - Shivani Tichkule