- अमर घटारे

अमरावती : इथं क्वालिटीचं काम नाही झालं तर डोकं फोडेन लक्षात ठेवा असा दम आज (साेमवार) अमरावती (amravati) जिल्ह्याच्या माजी पालकमंत्री काॅंग्रेसच्या आमदार यशोमती ठाकुर (yashomati thakur) यांनी पीडब्लूडीच्या अधिका-यांना दिला. त्याबाबतचा व्हिडिओ साेशल मिडियात (Social Media) व्हायरल झाला आहे. (Yashomati Thakur News)

तिवसा (tiwasa) तालुक्यात अमरावतीच्या माजी पालकमंत्री यशोमती ठाकूर यांच्या हस्ते एका ठिकाणी रस्त्याच्या कामाचे भुमीपूजन झाले. या कार्यक्रमास परिसरातील नागरिक, ठाकूर यांचे कार्यकर्ते तसेच शासकीय अधिकारी उपस्थित हाेते. (Yashomati Thakur Latest Marathi News)

या रस्त्याच्या भूमिपूजनानंतर माजी मंत्री यशाेमती ठाकूर यांनी हे काम उत्तम दर्जाचं झालं पाहिजे अशी भुमिका मांडली. ही भुमिका मांडता ठाकूर यांनी हे काम करीत असताना काेणा काेणावर जबाबदारी आहे असं उपस्थित अधिका-यांना विचारले. त्यावेळी सार्वजनिक बांधकाम विभागाचे उपस्थित अधिका-यांनी आम्ही आहाेत असं नमूद केले. त्यावर ठाकूर यांनी मी तुमच्याकडून एक रुपयाही घेत नाही, इथं क्वालिटीचं काम दिसलं नाही तर डाेकं फाेडेन लक्षात ठेवा असा इशारा दिला. त्यावेळी उपस्थित अधिका-यांनी हाे मॅडम... हाे मॅडम असे म्हणत मान डाेलावली. (Yashomati Thakur Viral Video)

Edited By : Siddharth Latkar