नंदुरबार: नंदुरबार जिल्हा पोलिस दलातील 2019 सालापासून कोरोनामूळे पोलीस भरती प्रक्रिया रखडली होती. कोरोनाचा प्रादुर्भाव कमी झाल्याने जिल्हा पोलीस दलाच्या वतीने 2019 पोलीस भरती प्रक्रिया 25 जागांसाठी सुरू असून आज नंदुरबार शहरातील 11 केंद्रांवर लेखी परीक्षा घेण्यात येत आहे. या लेखी परीक्षेसाठी जवळपास 4 हजार 656 विद्यार्थ्यांनी अर्ज केला आहे. (Written examination for police recruitment begins; More than 4000 candidates at 11 centers)

हे देखील पहा -

आज प्रत्यक्ष 11 केंद्रांवर मोठ्या पोलीस बंदोबस्तात लेखी परीक्षेला सुरुवात झाली आहे. अकरा ते साडे बारा दरम्यान लेखी परीक्षा घेण्यात येत आहे. कोणताही अनुचित प्रकार घडू नये यासाठी पोलीस अधीक्षक पी. आर. पाटील यांच्यासह वरिष्ठ पोलिस अधिकाऱ्यांद्वारे प्रत्येक केंद्रावर जाऊन पाहणी केली जात आहे. यावेळी परिक्षा केंद्राबाहेर पुरेसा पोलिस बंदोबस्त लावण्यात आला होता.

Edited By - Akshay Baisane