- सचिन कदम

MP Sunil Tatkare News :

मुंबई गोवा राष्ट्रीय महामार्गावर (mumbai goa highway) सुरु असलेल्या कामाची पाहणी केल्यानंतर खासदार सुनील तटकरे यांनी ठेकेदारासह अधिकाऱ्यांची कानउघडणी केली. आज (साेमवार) रायगडचे खासदार आणि राष्ट्रवादी अजित पवार गटाचे प्रदेशाध्यक्ष खासदार सुनील तटकरे (mp sunil tatkare) यांनी मुंबई गोवा राष्ट्रीय महामार्गाची पहाणी केली. त्यानंतर त्यांनी माध्यमांशी संवाद साधला. (Maharashtra News)

मुंबई गाेवा महामार्गावरील वडखळ ते लोणेरे या महत्वाच्या टप्प्याची पाहणी खासदार सुनील तटकरे यांनी केली. येथील कामाचा वेग आणि सद्य परिस्थिती यावर तटकरे यांनी तीव्र शब्दांत नाराजी व्यक्त केली. ते म्हणाले संबंधित ठेकेदार व सार्वजनिक बांधकाम खात्याच्या अधिकाऱ्यांना सूचना करण्यात आल्या आहेत.

पावसाळ्यानंतर रस्त्यांची झालेली दुरावस्था रखडलेले काम याबाबत खासदार तटकरेंनी ठेकेदाराला सुनावले. तसेच अधिका-यांच्या कामाबाबत देखील नाराजी व्यक्त केली. ते म्हणाले या भागातील काम तातडीने सुरू करण्याच्या सूचना दिल्या आहेत. प्रत्येक कामाचे अपडेट दररोज व्हाॅट्सअप द्वारे देण्याची ग्वाही ठेकेदार व अधिका-यांनी दिल्याचे खासदार सुनील तटकरे यांनी नमूद केले.

Edited By : Siddharth Latkar