संजय राठोड, यवतमाळ

यवतमाळ: मंगळवारी सकाळपासून युद्धपातळीवर उमरखेड ते पुसद रस्त्यावर असलेल्या दहागाव नाल्यावर आपत्ती व्यवस्थापन आणि नागरिकांनी बचाव कार्य सुरू केले. मात्र संततधार पावसामुळे बचाव कार्यात अडथळे निर्माण झाल्याने रात्री उशीरा पर्यंत बेपत्ता असलेला एसटी चालकाला शोधण्यात यश आले नाही. (Work begins to pull ST bus out of water, driver still missing)

हे देखील पहा -

पाण्याच्या प्रवाहामुळे पाण्यात अडकलेल्या एसटी बसला सुद्धा बाहेर काढता आली नाही. त्यामुळे सकाळपासून पुन्हा एसटी बस आणि बेपत्ता असलेल्या चालकाचा शोध घेतल्या जात आहे. यवतमाळ जिल्ह्यातील उमरखेड ते पुसद मार्गावरील दहागाव जवळील नाल्याला मंगळवारी पूर आला दरम्यान नांदेड वरून नागपुरकडे जाणाऱ्या एसटी बसच्या चालकाला पुराच्या पाणाच्या अंदाज आला नाही, त्यामुळे एसटी बस पाण्यात वाहुन गेली. यात यात चार प्रवाशी आणि दोन एसटी कर्मचारी पुराच्या पाण्यात बेपत्ता झाले.

काही वेळात एकाचा मृतदेह बाहेर काढण्यात प्रशासनाला यश आले. त्यानंतर तब्बल आठ तासानंतर दोन मृतदेह बाहेर काढण्यात आली. आतापर्यंत एकुण तिघांचे मृतदेह सापडले असून अजूनही एसटी चालक बेपत्ता आहे.

Edited By - Akshay Baisane