- अमर घटारे

अमरावती (ravi rana latest marathi news) : विधान परिषदेच्या (Maharashtra Vidhan Parishad election 2022) दहा जागांसाठी मतदानास आज (साेमवार) सकाळी प्रारंभ झाला आहे. या निवडणुकीत काँग्रेसच्या (Congress) भाई जगताप आणि भाजपच्या (bjp) प्रसाद लाड यांच्यात चूरशीची लढत मानली जात आहे. या निवडणुकीत आपल्या पक्षाचे प्राबल्य रहावे यासाठी नेते मंडळी प्रयत्न करीत आहेत. भाजपचे आमदार मुक्ता टिळक , आमदार लक्ष्मण जगताप हे पुण्यातील रुग्णालयातून मतदानासाठी मुंबईस रवाना झाले आहेत. दरम्यान आमदार रवी राणा (Ravi Rana) यांच्यावर दाखल असलेल्या एका गुन्ह्यात अटक (arrest) वाॅरंट असल्याने ते सध्या अज्ञातवासात आहेत. त्यामुळे ते आजच्या मतदान प्रक्रियेस येणार का याची चर्चा राजकीय वर्तुळात रंगली आहे. (Maharashtra Vidhan Parishad election 2022 News updates)

छत्रपती शिवाजी महाराज यांचा पुतळा बसवण्याच्या वादावरून आमदार रवी राणा यांच्या युवा स्वाभिमान पक्षाच्या कार्यकर्त्यांनी महानगरपालिका आयुक्त प्रवीण आष्टीकर यांच्या अंगावर शाई फेकण्याचा प्रयत्न केला होता. त्यानंतर पोलिसांनी तेरा संशयित आरोपींना अटक केली हाेती. या प्रकरणात आमदार रवी राणा यांना सह आरोपी करण्यात आले आहे. यामध्ये जिल्हा व सत्र न्यायालयातून त्यांना अटकपूर्व जामीन मिळाला आहे. दरम्यान अमरावती पोलिसांनी हा अटकपूर्व जामीन रद्द करावा यासाठी मुंबई उच्च न्यायालयाच्या नागपूर खंडपीठात याचिका दाखल केली. त्यानंतर आमदार रवी राणा यांच्यावर वाॅरंट जारी करण्यात आले आहे.

आज विधान परिषद निवडणुक असल्याने आमदार रवी राणा हे मुंबईत येणार असे मानले जात आहे. त्यामुळे त्यांच्यावर पोलिसांची करडी नजर आहे. रवी राणा हे मुंबईच्या बाहेर आहेत असे समजत आहे. रवी राणा मुंबईत आले की त्यांना ताब्यात घेऊ शकतात म्हणून आमदार रवी राणा अज्ञातस्थळी असल्याची माहिती मिळत आहे.

रवी राणा हे मतदान केव्हा करणार ही वेळ मात्र त्यांच्याकडून मिळालेली नाही. सूत्रांकडून मिळालेल्या माहिती नुसार आमदार रवी राणा यांचे वकील नागपूरच्या हायकोर्टात वकिलांमार्फत वाॅरंट रद्द करण्यासाठी प्रयत्नशिल राहिले आहेत. राणांचे वॉरंट रद्द झाल्यास ते दुपारी मतदान करायला जातील असे सूत्रांनी स्पष्ट केले.

Edited By : Siddharth Latkar