बीड - 27 वर्षीय पीडित विवाहितेला माहेरहून दोन लाख रुपये घेऊन ये म्हणत, सतत शारीरिक व मानसिक छळ करून तिचा विनयभंग केल्याप्रकरणी नवऱ्यासह सासरच्या 3 मंडळींवर मारहाणीसह विनयभंगाचा गुन्हा दाखल झाला आहे. ही घटना बीडच्या (Beed) साक्षाळपिंप्री गावात उघडकीस आली आहे.

हे देखील पहा -

साक्षाळपिंप्री येथील पीडित 27 वर्षीय विवाहितेचा फिर्यादीवरून, तिचे माहेर पाटोदा तालुक्यात असून , 2012 मध्ये तिचा विवाह साक्षाळपिंप्री येथील आरोपी पतीशी झाला होता. लग्नानंतर काही दिवस सुखाचा संसार झाला मात्र त्यानंतर शेतीसाठी दोन लाख रुपये आणत नाही म्हणून तसेच घरकाम व शेतातील काम नीट येत नाही , अशी कुरापत काढत मारहाण करायचे. त्यामुळे पीडिता कधी माहेरी, तर कधी सासरी राहत असे.

या दरम्यान गेल्या 15 दिवसांपूर्वी तडजोडीसाठी बैठक झाली. तेव्हापासून ती सासरी होती. या दरम्यान तिचा विनयभंग केला. पीडितेने आरडाओरड केल्यावर जिवे मारण्याची धमकी दिली. अशा आशयाची फिर्याद 27 वर्षीय पीडित विवाहितेने दिली आहे. याप्रकरणी बीड ग्रामीण पोलीस ठाण्यात पतीसह दीर, सासरा, सासू यांच्यावर मारहाण व विनयभंगाचा गुन्हा नोंद झाला आहे.