ठाकरे बंधु एकत्र येणार का अशी उत्सुकता साऱ्या महाराष्ट्राराला लागली होती... राज ठाकरेंनी एका मुलाखतीतून उद्धव ठाकरेंना साद घातली. त्यानंतर उद्धव ठाकरेंनीही त्याला प्रतिसाद देऊन महाराष्ट्राच्या हितासाठी एकत्र येणार असण्यास तयार असल्याचं सांगितलं. ठाकरे बंधुच्या एकत्र येण्याच्या या चर्चा जोरात असतानाच मनसे अध्यक्ष राज ठाकरेंनी आपल्या पदाधिकाऱ्यांना कोणत्याही युती, आघाडीच्या भरवशावर राहू नका असे आदेश दिले आहेत.

याआधी राज ठाकरे परदेश दौऱ्यावरून परतल्यावर चर्चा होईल, असं सांगण्यात आलं होतं. दोघांच्या परदेश दौऱ्यावरून येऊन 15 दिवस झाले तरी ठाकरे बंधूंमध्ये कुठलीच चर्चा झाली नाही. त्यामुळे राज ठाकरेंच्या या आदेशानंतर 'ठाकरे पर्वा'चे स्वप्न अधुरेच राहणार का असा प्रश्न निर्माण झालाय. मात्र याआधी काय घडामोडी घडल्या ते पाहूयात.

'ठाकरे पर्वा'चे स्वप्न अधुरेच

18 एप्रिल 2025

शिवसेना सोडल्याच्या 19 वर्षांनी राज ठाकरेंच मुलाखतीतून साद घातली

19 एप्रिल 2025

उद्धव ठाकरेंकडून युतीच्य़ा प्रस्तावाला सकारात्मक प्रतिसाद

20 एप्रिल 2025

राऊतांनी युतीच्या चर्चेसाठी कुठलीच अट नसल्याचं सांगितलं

21 एप्रिल 2025

राज ठाकरेंकडून मनसैनिकांना चर्चा करण्यास मनाई

22 एप्रिल 2025

उद्धव ठाकरे परदेश दौऱ्यावर गेले

30 एप्रिल 2025

दोन्ही ठाकरे बंधू परदेश दौऱ्यावरून परतले

13 मे 2025

शिंदे सेनेचे नेते ठाकरेंच्या भेटीला

16 मे 2025

राज ठाकरेंचे युतीच्या भरवशावर न राहण्याचे आदेश

साद, प्रतिसाद ते शिंदेसेनेसोबत युती अशा अनेक चर्चा ठाकरे बंधूंच्या युतीच्या अनुषंगाने समोर आल्या. मात्र महाराष्ट्र मोठा असल्याचं सांगणाऱ्या ठाकरे बंधूंनीच ठाकरेशाहीला धोका दिलाय का? शिंदे सेनेनं घातलेल्या खोड्यामुळे युती फिस्कटली का? राज-उद्धव ठाकरे युती न करता महायुती आणि मविआची साथ सोडून महापालिका निवडणुकीत 'एकला चलो'ची भूमिका घेणार का? असे अनेक प्रश्न यानिमित्तानं उपस्थित होत आहेत.