- अजय सोनवणे

Nashik :

नाशिक जिल्ह्यातील येवला शहरातील मूलतानपूरा भागात गेल्या दहा दिवसांपासून नळाला पाणी येत नसल्याने महिला आक्रमक झाल्या आहेत. या भागातील महिलांनी आज (साेमवार) डोक्यावर उलटे हंडे ठेवत प्रभागातून पालिकेच्या विराेधात फेरी काढली. यावेळी महिलांनी नगरपरिषद प्रशासनाचा तीव्र शब्दांत निषेध नाेंदविला. (Maharashtra News)

सध्या रमजान महिना सुरु आहे. रोजे (उपवास) सोडण्यासाठी सुध्दा पाणी मिळत नसल्याने महिला संतप्त झाल्या आहेत. त्यांनी हंडे वाजवत आपला तीव्र संताप व्यक्त केला. आधीच दुष्काळी परिस्थितीमुळे साठवण तलावातील पाणी संपुष्टात आलेले आहे.

येवला शहराला पाचव्या दिवशी पाणी येते. त्यातच मुलतानपूरा भागात दहा दिवस झाले तरी पाणीपुरवठा झालेला नाही. यामुळे महिलांनी नगर पालिका विरोधात आपला रोष उलडे हंडे घेत माेर्चा काढून व्यक्त केला.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar