- संदीप भोसले

लातूर जिल्ह्यातल्या चाकूर तालुक्यातील हनुमंत जवळगा गावकऱ्यांना पाण्यासाठी मोठा संघर्ष करावा लागत आहे. गावात पाणी नसल्याने महिलांसह लहान मुलांना रात्री उशिरापर्यंत पाण्याच्या टँकरची वाट पाहत रांगेत उभं राहावं लागत आहे. हे चित्र आता बहुधा पावसाळ्यापर्यंत राहणार असं दिसून येत आहे.

लातूर जिल्ह्यातील अनेक गावांत भीषण पाणीटंचाई निर्माण झाली आहे. या गावात पाण्यासाठी नागरिकांनी आंदाेलन केले. परंतु पाणी पूरवठा याेग्य नसल्याने नागरिक संतप्त हाेताहेत. अनेकांना पाण्यासाठी ताटकळत थांबावे लागत आहे.

यापूर्वी देखील पंचायत समितीत गावकऱ्यांनी पाण्यासाठी आत्मदहनाचा प्रयत्न केला होता. मात्र तरी देखील गावात पाणी येत नसल्याने गावकरी नाराज झाले आहेत. गावकऱ्यांनी आता गावात खाजगी पाण्याचा टँकर लावला आहे. मात्र तो देखील वेळेवर येत नसल्याने गावकऱ्यांना रात्रभर पाहण्यासाठी जागं राहावे लागत आहे.

Edited By : Siddharth Latkar