- शुभम देशमुख

Bhandara News : मागील तीन दिवसांपासून भंडारा जिल्ह्यात मुसळधार पाऊस सुरु आहे. सतत धो धो कोसळणा-या पावसामुळे जिल्ह्यातील नदीनाले तुडूंब भरली आहेत. गोसे धरणातील पाण्याची पातळी नियंत्रित करण्यासाठी पुन्हा गोसीखुर्द धरणाचे संपूर्ण 11 वक्रदार अर्ध्या मीटरने उघडण्यात आली आहेत. या 11 दरवाज्यातून 1 हजार 348.74 क्युसेक पाण्याचा विसर्ग करण्यात येत आहे. (Maharashtra News)

भंडारा शहर आणि जिल्ह्यात अनेक ठिकाणी रिमझिम स्वरूपाचा तर काही भागात मुसळधार पाऊस बरसत असल्यामुळे नदीनाल्यांना पूर येण्याची दाट शक्यता आहे. यामुळे जिल्हा प्रशासन अलर्ट मोडवर आले आहे.

गोसीखुर्द धरणातून पाण्याचा विसर्ग सुरु असल्याने त्याचा फटका लगतच्या चंद्रपूर, गडचिरोली जिल्ह्यांना बसणार आहे. त्यामुळे संपूर्ण यंत्रणा सतर्क असून नदीकाठी असणाऱ्या गावातील ग्रामस्थांना जलसंपदा विभागाने सतर्कतेचा इशारा दिला आहे.

Edited By : Siddharth Latkar