राज्यात मान्सूनपूर्व पाऊस पडत असून अनेक ठिकाणी वादळी वाऱ्यासह पाऊस पडतोय, अश्या वेळी महावितरणचे विद्युत खांब धोकादायक बनत आहेत. अश्याच एका धोकादायक खांबाच्या ताराला चिमुकलीने हात लावला आणि अघटीत घडलं आणि ही सर्व घटना सीसीटीव्ही कॅमेरात कैद झाली आहे, नेमकं काय घडलं आणि कुठं घडलं पाहुयात या रिपोर्ट मधून.

ही दृश्य आहेत वाशिमच्या अनसिंग गावातील. रस्त्यावरचे विजेचे खांब आता सुरक्षित आहेत अशी म्हणण्याची वेळ आली आहे. स्वरा शिंदे ही सात वर्षीय चिमुकली ही खेळता खेळता तिने घराजवळच्या महावितरणच्या विद्युत खांबाच्या तणावाच्या ताराला हात लावला आणि अघटीत घडल. ती किंचाळली,काय झालं म्हणून सुनीता शिंदे बाहेर आल्या आणि मुलगी विद्युत खांबाच्या ताराला चिपकल्याच लक्षात आल्याने त्यांनी आपल्या मुलीला एक क्षणात बाजूला केलं. त्यामुळे त्या आपल्या मुलीचा जीव वाचवू शकल्या.

अशा घटना टाळण्यासाठी आपल्या चिमुकल्यांना,जनावरांना यापासून दूर कसे ठेवता येईल याकडे लक्ष देण्याची गरज निर्माण झाली आहे. प्रत्येक वेळेस कुणीतरी वाचवायला येईल अशी शक्यता कमी असते. त्यामुळे सुरक्षित अंतर ठेवा आणि सुरक्षित रहा.