मनोज जैस्वाल, प्रतिनिधी...

Washim Accident News: अकोला- हैद्राबाद महामार्गावर एका भीषण अपघाताची घटना समोर आली आहे. कार ,स्कूल बस व दुचाकीमध्ये हा विचित्र अपघात झाला. या अपघातात एकाचा जागीच मृत्यू झाला. या दुर्देवी घटनेने परिसरात हळहळ व्यक्त केली जात आहे. (Akola Hyderabad Highway Accident)

याबाबत समोर आलेल्या माहितीनुसार, वाशिमपासून (Washim) दोन किलोमीटर अकोला - हैद्राबाद महामार्गावर अपघाताची घटना घडली. दुचाकी चालकाचा अंदाज चुकल्याने कार, स्कूल बस आणि दुचाकीमध्ये हा विचित्र अपघात झाला. या अपघातात एकाचा जागीच मृत्यू झाला. अपघात इतका भीषण होता की दुचाकीचा अक्षरशः चुराडा झाला.

तर कार आणि स्कूलबसचेही यामध्ये मोठे नुकसान झाले आहे. या दुर्देवी घटनेने परिसरात हळहळ व्यक्त होत आहे. अपघातामुळे महामार्गावरची वाहतूक खोळंबली होती त्यामुळे दोन्ही बाजुंनी वाहनांच्या रांगा लागल्या होत्या. (Latest Marathi News)

शिवशाही बसचा अपघात...

दरम्यान, परभणी शहरात शिवशाही बसचा अपघात (Accident News) झाल्याची बातमी समोर आली आहे. यामध्ये एका महिलेचा जागीच दुर्देवी मृत्यू झाला. रस्ता ओलांडताना बसखाली आल्याने हा अपघात झाल्याचे सांगण्यात येत आहे. या घटनेने परिसरात हळहळ व्यक्त केली जात आहे...