चेतन व्यास 
आर्वी (वर्धा) : सिंचन विहिरीचे खोदकाम केल्यानंतर मजुरांच्या मस्टरचे पैसे काढण्याकरिता लाभार्थ्यांना आर्वी पंचायत समितीतील सहाय्यक कार्यक्रम अधिकाऱ्यांने पाच हजार रुपयांची मागणी केली. हि रक्कम स्वीकारताना लाचलुचपत प्रतिबंधक विभागाच्या पथकाने ताब्यात घेतले आहे. 

आर्वी (Aarvi) पंचायत समितीच्या सहायक कार्यक्रम अधिकारी जयमाला कोहळे यांच्यावर लाच स्वीकारताना वर्ध्याच्या लाचलुचपत प्रतिबंधक विभागाची कारवाई केली आहे. तक्रारदार यांना महात्मा गांधी राष्ट्रीय ग्रामीण रोजगार हमी योजने अंतर्गत २०२३-२४ मध्ये पंचायत समिती आर्वीकडून सिंचन विहीर मंजूर झाली. तक्रारदाराने विहिरीचे खोदकाम केले. मजुरांनी जे खोदकाम केले. त्याचे मस्टर त्यांनी पंचायत समितीकडे सादर केले. ते मजुरांच्या मस्टरचे पैसे काढून देण्याकरिता सहायक कार्यक्रम अधिकारी जयमाला त्रीलोकचंद कोहळे यांनी दहा हजार रुपयांची मागणी केली. याबाबत (ACB) लाचलुचपत प्रतिबंधक विभागाला तक्रार करण्यात आली.

लाचलुचपत प्रतिबंधक विभागाने सापळा रचला. कारवाई दरम्यान जयमाला त्रिलोकचंद कोहळे यांनी पंचासमक्ष तक्रारदाराकडून पाच हजार रुपये लाच (Bribe) स्वीकारली. लाच लुचपत प्रतिबंधक विभागाने कोहळे यांच्याकडून पाच हजार रुपये हस्तगत करत ताब्यात घेतले. या प्रकरणी गुन्हा दाखल करण्याची प्रक्रिया सुरू होती.