चेतन व्यास

वर्धा : सरकारमधील अस्वस्थ आमदार पुढील काळात कशा पद्धतीने तोंड उघडतात हे पहा. आता तर सुरवात झाली आहे; सध्या फक्त बच्चू कडू बोलत आहे. एक एक बोलायला लागतील तेव्हा पहा. मंत्रिमंडळ विस्तारावरून आमदार मोठ्या प्रमाणात अस्वस्थ असून संपूर्ण गोंधळाची परिस्थिती आहे. सत्ताधाऱ्यांचा (NCP) आमदारांना सांभाळण्यात वेळ जातं आहे. सरकारने खाटेवाटप करून नागरिकांच्या प्रश्नांना न्याय द्यावा; अशी मागणी (Anil Deshmukh) माजी गृहमंत्री अनिल देशमुख यांनी केली. (Live Marathi News)

वर्धा येथे आज शरद पवार गटाकडून आयोजित पदाधिकाऱ्यांच्या बैठकीसाठी आले असता त्‍यांनी पत्रकारांशी संवाद साधतं होते. राज्यात सध्या खातेवाटपावरून वाद सुरु आहे. राज्यात संपूर्ण अस्थिर परिस्थिती असून सत्ताधाऱ्यांना (BJP) आमदारांना सांभाळण्यात वेळ जातं आहे. लवकर खाटेवाटप करून सामान्याच्या प्रश्नांना न्याय द्यावा. चार ते पाच दिवसांनी राज्याचे अधिवेशन आहे. खातेवाटप करून मंत्र्यांना मिळालेल्या विभागाचा अभ्यास करू द्यावा, असेही अनिल देशमुख यांनी सांगितले.

भाजपचे आमदार सर्वात जास्‍त अस्‍वस्‍थ

राज्यात सर्वात जास्त अस्वस्थ हे भाजपचे आमदार आहे. १०५ भाजपचे आमदार निवडून आले. त्यातले केवळ ५ ते ६ आमदार मंत्री झाले. बाकी बाहेरचे येऊन मंत्री बनत आहे. भाजप आमदार आता खाजगीत ही भाजप पक्षाच काय चालले, आम्ही पक्षातले तसेच आहो आणि बाहेरचे येऊन पहिल्या पंगतीत बसत आहे. असं भाजप आमदार बोलत असल्याचे अनिल देशमुख यांनी सांगितले.

पुढे काय होते पहात रहा

शिंदेंसोबत गेलेल्या ४० आमदारांपैकी अनेकांनी तर मंत्रीपदाची आशा सोडली. शिंदेच्या ४० आमदारांपैकी कोणालाही समावलं नाही. त्यामुळे ते सुद्धा अस्वस्थ आहे. आता हळूहळू शिंदेचे आमदार बोलू लागले आहेत; पुढील काळात काय होते पहा असा टोलाही देशमुख यांनी लागवला आहे.