जालना : जालन्यातील टांगा स्टँड परीसरात दोन गटात तुंबळ हाणामारी झाली आहे. या हाणामारीत एका गटाने दुसऱ्या गटातील एका व्यक्तीला तलवारीने भोकसल्याने एक तरुण गंभीर जखमी झाला आहे. जखमी तरुणावरती सामान्य रुग्णालयात उपचार सुरु करण्यात आले आहेत.

हाणामारीच्या घटनेनंतर एका टोळक्याने परीसरात हुल्लडबाजी करून सराफा बाजारात, दूध मार्केट परिसरात दहशत माजवण्याचा प्रयत्न केला दरम्यान या भागासह टांगा स्टँड परीसरात तणावपूर्ण शांतता असून या भागातील व्यापाऱ्यांनी (Merchants) आपापली दुकानं बंद केली आहे. आज सकाळच्या सुमारास ही घटना घडली आहे.

हे देखील पहा -

सदर घटनेची माहिती मिळताच पोलिसांनी घटनास्थळी धाव घेऊन टांगा स्टँड परिसरात कोणताही अनुचिच प्रकार घडू नये म्हणून बंदोबस्त वाढवला आहे. दरम्यान सध्या या भागात पोलिसांचा बंदोबस्त कायम असून परीसरात तणावपूर्ण शांतता कायम आहेत तर व्यापाऱ्यांनी बंद केलेली दुकानं देखील उघडण्यात येत आहेत.

Edited By - Jagdish Patil