एक निर्दयी बाप जो आपल्या मुलाला दांड्याने मारतोय, त्या लहान मुलाची बहीण त्या निर्दयी बापाला विनवणी करतेय, "पप्पा नका मारू दादाला, दादा रडू नको" तरीही हा निर्दयी बाप त्या मुलाला दांड्याने मारतोय. कोण आहे निर्दयी व्यक्ती याला शिक्षा झाली पाहिजे, असा संताप सध्या समाज माध्यमांवर व्हायरल होतोय.

या व्हायरल होणाऱ्या व्हिडिओची दखल राज्य महिला आयोगाच्या अध्यक्षा रुपाली चाकणकर यांनी घेतली आहे. व्हिडिओतील संवाद मराठीतील असल्याने हा प्रकार महाराष्ट्रातच घडला असल्याचे प्रथमदर्शनी वाटते. सदर व्यक्तीचा शोध घेऊन अल्पवयीन मुलाला अमानुषपणे मारहाण करणाऱ्या सदर व्यक्तीविरोधात तात्काळ कारवाई करण्याची मागणी रुपाली चाकणकर यांनी महाराष्ट्र राज्याचे पोलीस महासंचालक श्री.संजय पांडे यांच्याकडे पत्राद्वारे केली आहे.

Edited By : Krushnarav Sathe