- विनायक वंजारे

Sindhudurg News :

सिंधुदुर्ग जिल्ह्यातील वेंगुर्ले वडखोल येथील आंबा बागायतदार शिवप्रसाद केरकर यांच्या बागेतील सहा डझनी दोन हापूस आंबा पेट्या आज (शनिवार) वाशी मार्केट (vashi market) मध्ये रवाना झाल्या. वेंगुर्ले हापूस' मुंबईकरांच्या पसंतीस उतरेल असा विश्वास आंबा बागायतदारांनी व्यक्त केला. (Maharashtra News)

केरकर हे प्रगतशील शेतकरी असून त्यांची हापूस आंबा कलमांची मोठी बाग आहे. दरवर्षी ते चांगल्या दर्जाचा हापूस वाशी मार्केटला पाठवत असतात. त्यातून त्यांना चांगला नफा होतो. नफ्यापेक्षा मुंबईकर आंब्याला पसंती देतात याचा आनंद आम्हांला जास्त असल्याचे केरकर सांगतात.

केरकर यांनी आज सहा डझनाच्या दोन हापूस आंब्याच्या पेट्या वाशी मार्केटला पाठविल्या आहेत. या आंब्याला चांगला दर मिळेल अशी आशा केरकरांना आहे. दरम्यान वाशी मार्केट येथे सध्या दरराेज काेकणातून आंबे रवाना हाेताहेत.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar