Buldhana :

महाराष्ट्र राज्य वीज मंडळ कंत्राटी कामगार संघटना संयुक्त कृती समितीच्या नेतृत्वात बुलढाणा येथे महावितरण, महानिर्मिती तसेच महापारेषणचे कंत्राटी कर्मचारी विविध मागण्यांसाठी गेल्या काही दिवसांपासून बेमुदत संपावर (veej kantrati kamgaar sanghatana strike in buldhana) गेले आहेत. जाेपर्यंत मागण्या मान्य हाेत नाहीत ताेपर्यंत संप सुरुच ठेवणार असल्याचा इशारा आंदाेलकांनी दिला. (Maharashtra News)

महावितरण, महापारेषण आणि महानिर्मिती या कंपन्यांमधील कंत्राटी कर्मचाऱ्यांना रिक्त पदांवर सामावून घ्यावे, वीज कंत्राटी कर्मचारी स्थायी होईपर्यंत तिथे नियमित पदभरती करू नये आदी मागण्यासांठी हे आंदाेलन असल्याची माहिती संपावर गेलेल्या कंत्राटी कर्मचारी यांनी दिली.

दरम्यान महावितरण,महानिर्मिती आणि महापारेषणचे कंत्राटी कर्मचारी बेमुदत संपावर गेल्याने अद्याप तरी सेवा विस्ळकीत झालेली नाही. परंतु आगामी काळात वीज कंत्राटी कर्मचाऱ्यांनी बेमुदत संप पुकारल्याने आगामी काळात वीज पुरवठ्यावर विपरीत परिणाम होण्याची शक्यता वर्तवली जात आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar