वसई : लोकल ट्रेनमध्ये महिलांच्या गळ्यातील सोनसाखळी चोरणाऱ्या ३० वर्षीय तरुणाला रेल्‍वे पोलिसांनी (railway Police) अटक केली आहे. त्‍याच्‍याकडून ४ लाख १६ हजार रुपये किंमतीचा मुद्देमाल पोलिसांनी (Vasai) हस्तगत केला आहे. (Maharashtra News)

वसई रोड जीआरपी पोलिसांनी नालासोपारा रेल्वे स्थानकावरून सीसीटीव्हीच्या (CCTV) मदतीने आरोपीला पकडले आहे. मोहम्मद अमान हुसेन (रा. नालासोपारा) असे आरोपीचे नाव आहे. मोहम्मद हा डोक्यावर टोपी घालून आणि चेहऱ्यावर मास्क लावून चालत्या ट्रेनमधून प्रवाशांच्या सोनसाखळ्या आणि मंगळसूत्र खेचून पळून जात होता. असे अनेक प्रकार घडले होते. याबाबत पोलिसात देखील तक्रार होती.

सहा गुन्‍हे दाखल

रेल्‍वेत होत असलेल्‍या या प्रकाराबाबत आरोपीविरुद्ध वसई रोड ते बोरिवलीपर्यंत एकूण ६ गुन्हे दाखल असल्‍याची माहिती पोलिसांनी दिली आहे. सीसीटीव्‍हीच्‍या आधारे संशयीतास ताब्‍यात घेत मुद्देमाल हस्‍तगत केला आहे.