संजय जाधव

बुलढाणा : कोरोनाच्या पहिल्या व दुसऱ्या लाटेत असंख्य न्यायालयीन कर्मचारी, वकील व न्यायाधीश यांचा मृत्यु झाला होता.कोरोनाच्या तिसऱ्या लाटेपासून संरक्षणासाठी बुलढाणा जिल्हा व सत्र न्यायालयात लसीकरण मोहीम राबवण्यात येत आहे. Vaccination of all judges, staff and lawyers in court

तिसऱ्या लाटेत कोणीही मृत्युमुखी पडू नये यासाठी जिल्ह्यातील सर्व न्यायालयात सर्व न्यायाधीश, कर्मचारी व वकील यांचे लसीकरण करण्यात येत असल्याची माहिती न्यायाधीश एस.एस.भूरे यांनी दिली आहे.

हे देखील पहा -

मागील दीड वर्षापासून संपूर्ण देशात कोरोना महामारीने अक्षरशः थैमान घातले आहे. कोरोनाच्या दोन लाटा येऊन गेल्या आहेत, यात असंख्य नागरिकांना आपल्या जिवाला मुकावे लागले आहे. आता तिसऱ्या लाटेची शक्यता वर्तविली जात असून यासाठीच 18 ते 45 वर्ष वयोगटातील सर्वांनी लस घेणे आवश्यक असल्याने आता सर्वत्र लस उपलब्ध आहे.

त्यामुळे लस घेऊन जीव वाचवा असे आवाहन सुद्धा यावेळी करण्यात आले. बुलढाणा जिल्हा व सत्र न्यायालयात लसीकरण कक्ष उघडण्यात आले. त्याचे उद्घाटन जिल्हा मुख्य न्यायाधीश एस.एस.भूरे यांच्या हस्ते करण्यात आले व यावेळी न्यायालयातील असंख्य कर्मचारी वकील व सर्व न्यायाधीशांनी कोरोना प्रतिबंधक लस घेतली आहे.

Edited By : krushnarav Sathe