उल्हासनगर : उल्हासनगरमध्ये मालक आणि कामगार यांच्यामध्ये किरकोळ कारणावरून वाद झाला. या (Ulhasnagar) वादातून मालकावरच कामगाराने जीवघेणा हल्ला केल्याची घटना समोर आली आहे. ही संपूर्ण (Crime News) घटना सीसीटीव्ही कॅमेरात कैद झाली. (Maharashtra News)

उल्हासनगरात कॅम्प क्रमांक पाच येथील गांधी रोड परिसरातील होली चाइल्ड हायस्कूल समोर नदीम शेख यांचा एम्ब्रेडिरीचा कारखाना आहे. मालक नदीम शेख यांच्याकडे नितीन यादव हा कामाला आहे. दरम्यान आज नदीम शेख व कामगार नितीन यादव यांच्यात किरकोळ कारणावरून शाब्दिक वाद निर्माण झाले. या वादानंतर नितीन यादव आणि त्याच्या साथीदारांनी नदीम शेख यांच्या कारखान्यात घुसून हल्ला केला आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

मालक गंभीर जखमी 

नितीन यादव याने केलेल्या हल्ल्यात नदीम शेख हा गंभीर जखमी झाला. त्यास जखमी अवस्थेत उपचारासाठी रुग्णालयात दाखल करण्यात आले. हा संपूर्ण प्रकार सीसीटीव्ही कॅमेरात कैद झाला असून घटनेचा गुन्हा हिललाईन (Police) पोलीस ठाण्यात दाखल करण्यात आला आहे.