Parbhani Accident News : पाथरी- सोनपेठ मार्गावर गुरुवारी झालेल्या दुचाकी आणि रिक्षा अपघातात दुचाकीवरील चार विद्यार्थी (student) गंभीर जखमी झाले होते. या विद्यार्थ्यांपैकी दाेघांचा उपचारादरम्यान मृत्यू झाला आहे. प्रजासत्ताक दिनी ध्वजाराेहणासाठी पाथरी येथील कानसुरच्या चक्रधर स्वामी विद्यालयाकडे जात असताना हा भीषण अपघात (accident) झाला हाेता.

पाेलिसांनी (police) दिलेल्या माहितीनूसार स्वप्निल चव्हाण, राहुल तिथे, शंतनू सोनवणे, योगानंद घुगे हे चार विद्यार्थी डाकू पिंपरी गावाचे रहिवासी आहेत. त्यांचा काल अपघात झाला. या अपघातात विद्यार्थ्यांचा हात रस्त्यावर तुटून पडला. त्यांची प्रकृती चिंताजनक बनल्याने त्यांना पुढील उपचारासाठी अंबाजोगाई, लातूर, नांदेडच्या रुग्णालयात नेण्यात आले आहे. (Maharashtra News)

या अपघातामधील गंभीर झालेल्या विद्यार्थींपैकी शंतनू सोनवणे, स्वप्नील चव्हाण यांचा उपचारा दरम्यान मृत्यू झाला. हे दोन्ही विद्यार्थी (parbhani) कानसुर येथील चक्रधर स्वामी विद्यालयातील आहेत. या विद्यार्थ्यांच्या मृत्यूमुळे डाकू पिंपरी गावावर शाेककळा पसरली आहे.

Edited By : Siddharth Latkar