अंबरनाथ : अंबरनाथमध्ये जलवाहिनीच्या कामासाठी ठेकेदाराने खोदलेल्या खड्ड्यात पडून दोन लहानग्यांचा मृत्यू झाला आहे. अंबरनाथ तालुक्यातील नेवाळी येथे ही घटना घडली आहे. याप्रकरणी ठेकेदारावर गुन्हा दाखल करण्याची मागणी स्थानिकांनी केली आहे.

अंबरनाथच्या नेवाळी परिसरात जलवाहिनीच्या दुरुस्तीसाठी ठेकेदाराने खड्डा खोदला होता. या खड्ड्यात पाणी देखील साचलं होतं. मात्र खड्ड्याभोवती कोणत्याही प्रकारच्या सुरक्षात्मक उपायोजना किंवा बॅरिकेडिंग केलेली नव्हती. याच परिसरात राहणारी दोन मुले येथे खेळत असतान खड्ड्यात पडले आणि त्यात त्यांचा बुडून दुर्दैव मृत्यू झाला. (Latest News)

सुरज राजभर (वय ८ वर्षे) आणि सनी यादव (वय ६ वर्षे) अशी दोन मृत मुलांची नावे आहेत. यानंतर हिललाईन पोलिसांनी याप्रकरणी अकस्मात मृत्यूची नोंद केली आहे. मात्र स्थानिकांनी ठेकेदारावर गुन्हा दाखल करण्याची मागणी केली आहे.