दिवाळी पाडव्याच्या मुहूर्तावर सांगलीमध्ये हळदीचे सौदे पार पडलेत. हळदीची जागतिक बाजारपेठ म्हणून ओळख असणाऱ्या सांगली कृषी उत्पन्न बाजार समितीच्या आवारात पार पडलेल्या हळद सौद्यात हळदीला १७ हजार ८०० रुपये प्रति क्विंटल इतका उच्चांकी दर मिळाला आहे. दहा हजार रुपये हा कमीत कमी दर मिळाला आहे.

पाडव्याच्या मुहूर्तावर काढण्यात आलेल्या सौद्यांमध्ये मोठ्या संख्येने शेतकऱ्यांनी आपली हळद विक्रीसाठी आणली होती कृषी उत्पन्न बाजार समितीचे सभापती सुजय शिंदे आणि व्यापाऱ्यांच्या उपस्थितीमध्ये या हळदीच्या सौद्यांचा शुभारंभ पार पडला.ज्यामध्ये उच्च प्रतीच्या हळदीला १७ हजार ८०० रुपये इतका उच्चांक दर मिळाला आहे.तर सर्वसाधारण हळदीला कमीत कमी १० हजार रुपये इतका दर मिळाला आहे.

गुळाचे सौदे देखील पार पडले. गुळाला चार हजार ते साडेचार हजार रुपये इतका दर मिळाला आहे. यंदाच्या वर्षी हळदीचे उत्पादन पाहता हळदीला चांगले दर मिळतील,असा विश्वास देखील यावेळी व्यक्त करण्यात आला आहे.