Pandharpur News : विठ्ठल भक्तांसाठी आनंदाची बातमी आहे. येत्या गुढीपाडव्याच्या (gudi padwa 2023) मुहूर्तावर विठ्ठल भक्तांना श्री विठ्ठलाची तुळशी पूजा (vitthal tulshi pooja) करता येणार आहे. त्याबाबतचा निर्णय नुकताच मंदिर समितीने (shri vitthal rukmini mandir) घेतला आहे.

भाविकांकडून श्री विठ्ठल रुक्मिणीच्या नित्यपुजा, पाद्यपुजा व चंदनउटी पुजा करण्यात येतात. या पुजांना मिळणारा प्रतिसाद पाहता तसेच भाविकांच्या मागणीनुसार तुळशी अर्चन पूजा उपलब्ध करून देण्यात येणार आहे. त्याची माहिती मंदिर समितीचे सह अध्यक्ष गहिनीनाथ महाराज औसेकर यांनी दिली. (Maharashtra News)

ही पुजा यात्रा, सण, उत्सव इत्यादी दिवस वगळून इतर दिवशी दैनंदिन सकाळी महानैवेद्यापुर्वी, दुपारी पोषाखापूर्वी व सायंकाळी धुपारतीपूर्वी या वेळेत प्रत्येकी दहा प्रमाणे एकूण 30 पुजा उपलब्ध होणार आहेत.

त्यामध्ये एका पुजेसाठी जास्तीत जास्त 5 भाविकांना प्रवेश दिला जाणार असून प्रतिपुजेसाठी दाेन हजार शंभर रुपये इतकी देणगी मुल्य राहणार आहे. भाविकांनी‌ तुळशी पूजेचा लाभ घ्यावा असे आवाहन मंदिर समितीच्या वतीने करण्यात आले आहे.

Edited By: Siddharth Latkar