- बालाजी सुरवसे

Dharashiv's Tulja Bhavani Mandir Yatra News:

तुळजापूरातील तुळजाभवानी मातेच्या चैत्र पौर्णिमा यात्रा महोत्सवानिमित्त भाविकांच्या दर्शन मार्गात बदल करण्यात आला आहे. याबाबत तुळजाभवानी मंदिर संस्थानचे तहसीलदार तथा व्यवस्थापक यांनी आदेश काढला आहे. (Maharashtra News)

तुळजापूरात येत्या 21 एप्रिलपासून 25 एप्रिलपर्यंत चैत्र पोर्णिमा यात्रा आहे. यामुळे भाविकांची तुळजाभवानीच्या दर्शनासाठी संख्या वाढणार हे मात्र निश्चित. यामुळे भाविकांना सुलभ दर्शन व्हावे यासाठी मंदीर संस्थांनच्या वतीने दर्शन मार्गात बदल करण्याचा निर्णय घेण्यात आला आहे.

तुळजाभवानी मंदिर संस्थानचे तहसीलदार तथा व्यवस्थापक यांनी काढलेल्या आदेशात शनिवारी 20 एप्रिल 2024 रोजी मध्यरात्री 12 वाजल्यापासून भाविकांना घाटशिळ रोड पार्किंग येथुन बिडकर पायऱ्या मार्गे दर्शन मंडपात दर्शनासाठी सोडण्यात येणार आहे. याबाबतची नाेंद महंत,पुजारी,सेवेकरी व भाविकांनी घ्यावी असे आवाहन तुळजाभवानी मंदिर संस्थानने केले आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar