नंदुरबार: तेराव्या शतकांपासुनची पंरपरा असलेला नंदुरबार जिल्ह्यातल्या काठी संस्थानचा आदिवासी दसरा महोत्सव विधीवत पुजेसह संप्पन झाला. याठिकाणी होणारी घोड्यांची शर्यत खऱ्या अर्थाने आकर्षणाचा विषय असतो. मात्र कोरोनाच्या पार्श्वभूमीवर घोड्यांची शर्यत होवु शकलेली नाही. त्यामुळे आदिवासी बांधवांची मोठी हिरमोड झाल्याचे पहावयास मिळाले. (Tribal Dussehra Festival of Kathi Sansthan, which has been going on since 13th century)

हे देखील पहा -

१३ व्या शतकांपासुन काठी संस्थानचे राजा राजे उमेदसिंग यांनी या दसरा महोत्सवाला सुरवात केली होती. या आदिवासी राजाच्या घराण्यातील १८ वी पिढी याठिकाणी दसरा पुजन करत आहे. या दसऱ्याच्या महोत्सवात नोवाया आणि दोहरा खांबाचे पुजनासह राजांची गादी आणि शस्त्र पुजन होते. नोवाया खांब हा निसर्ग देवतेचे प्रतिक मानुन याठिकाणी धान्य आणि पिकांचे पुजन केलं जाते. तर दोहरा खांब हा रावण राजाचे प्रतिक म्हणुन आजही पुजला जातो. या पंरपरांचे आदिवासी बांधवामध्ये अनन्यसाधारण महत्व असुन कुठल्याही वादविवादासहित या पंरंपरा आजतागायत सुरु आहे.

या दसऱ्या मेळाव्याच्या पाश्वभूमीवर राज्याचे आदिवासी मंत्री के.सी पाडवी यांनी देखील काठी येथे जावुन या संस्थानच्या राजांच्या गादीचे दर्शन घेत शस्त्र पुजनाची विधी केली. यावेळी याठिकाणी गत वैभव आणुन देण्यासाठी आदिवासी विकास खात्याकडुन प्रयत्नशील राहणार असल्याचे मंत्री पाडवी यांनी सांगितले. 

Edited By - Akshay Baisane